नेपालविरूद्धको चौथो टी-२० मा वेस्ट इन्डिज ‘ए’ ले १० ओभरमा २ विकेटको क्षतिमा १०१ रन जोडेको छ। वेस्ट इन्डिजका लागि जोनसन चार्ल्सले ५८ रन जोडेर आउट भए। दशौं ओभरको अन्तिम बलमा आउट हुनुअघि उनले ३० बलमा ३ चौका र ६ छक्का प्रहार गरे। उनलाई नेपालका कुशल भुर्तेलले दीपेन्द्रसिंह ऐरीबाट क्याच गराए।

त्यसअघि दोस्रो ओभरमै ओपनर एलिक एथानाजलाई प्रतिश जिसीले सन्दीप जोराको हातबाट ५ रनमा आउट गरे।  अहिले आन्द्रे फ्लेचर र केसी कार्टी ब्याटिङ गरिरहेका छन्। पाँच खेलको सिरिजको तीन खेल सकिँदा वेस्ट इन्डिजले २-१ को अग्रता लिएको छ। पहिलो खेल नेपालले जित्दा दोस्रो र तेस्रो खेलमा वेस्ट इन्डिज विजयी भएको थियो।